هل الاهتمام بالمحتوى العربي أفضل من الانتشار الأوسع؟

دي أول بوست أكتبها بالعربي، والسبب إني فكرت في حاجة كدا وأنا بحط بوست بدري عن خاصية جديدة في الفيسبوك لما تعمل مشاركة لرابط. قبل ما أكتب البوست عملت بحث على النت عشان أتأكد إن أنا الوحيد اللي كاتب عنها وفعلا ملقتش حد لحق يكتب قبلي، كنت بدور طبعا بالانجليزي مش بالعربي.
لما عملت البحث فكرت في حاجة.. كل المواضيع التانية اللي أنا كتبت عنها تقريبا لقيت لها مقالات مماثلة بالانجليزي. انا لما فكرت في الأول في البلوج دي فكرت فيها على انها يكون لها قراء من كل حتة عشان كدا اخترت الانجليزي باعتباره أكتر لغة منتشرة على الانترنت. لكني دلوقتي لقيت اني لو عملتها عربي هتكون أحسن عشان ساعتها هكون بكتب في محتوى محدش كتب فيه قبلي وهي مش بس مجرد أخبار الفيس بوك التقنية.. لأ وكمان الحاجات اللي في الموقع نفسه من تغييرات وبرامج وحاجات مهمة للمستخدمين.. انتو ايه رأيكم ؟
أهتم بمحتوى عربي وأكتفي بالقراء العرب؟ ولا أخليه انجليزي ومش مهم التفرد؟
عملت تصويت في شمال الموقع قول رأيك فيه وتحب تقرأ ايه هنا ؟